新友興茶餐廳

营业中

休息中

喺太子番工的我经常都会来新友兴食饭。贪佢大件夹抵食。入面就真系好屈质，枱放到好埋，肥少少都过唔到。无计啦香港地租贵，唔放多几张枱做生意，都惊间茶记做唔住呀。帮衬的客人都系男人多，食物同客人同我一样咁麻甩。我呢个麻甩女车手嗌左个蒸鲩鱼饭。我最中意用啲鱼汁来捞饭。旧鱼都算大旧，鲩鱼当然系多骨，都预左的，食的时候小心啲～朋友的蒸鸡饭都好香，个汁又系捞饭无得输。鸡蒸得岩岩好，好滑～之前我地嗌过午餐以外的𩠌，即叫即整，仲要唔贵。午餐食个花胶鹅掌煲劲大煲都系60令蚊仲有一样野要赞的系，如果我地多人来食，店员姐姐会帮我地执过位，等我地有得入来坐，都算好帮得手呀！