Green Waffle Diner (形點) (已結業)

好耐冇嚟过元朗，呢间Green Waffle曾经都有食，最记得佢个薯仔锅粒，所以嚟到呢度今次都要再叫。为咗防疫，佢哋好贴心为顾客预备信封，入定口罩，仲有消毒啫喱可以清洁双手。呢个环境好特别系开放式，我同三位朋友坐喺大卡位感觉好舒服，而且楼底够高够开扬。我哋都食得好舒服，急不及待打开餐牌，映入眼帘有好多健康又有益嘅食物，包括呢度主力推广嘅沙律Smoothie，仲有佢哋嘅主打窝夫同pancake，听到都心郁郁。佢哋嘅香辣番茄香肠薯粒镬仔，真系好滋味！薯仔蕃茄香肠切成一小片一粒粒，好易入口，镬仔上枱时比较热要小心烫到手。入边仲有只蛋，被芝士包围着，有拉丝感觉，好正呀。