意粉狂熱 (皇室堡) (已結業)

今晚去铜锣湾皇室堡行街，到左晚餐时间，经过位于二楼嘅意粉狂热，环境设计感觉唔错，而且都想食西餐，所以就决定去食佢！去到店员态度超有礼貌，食都食得开心啲～我地点左杯草莓桃沙冰($58)，食落好fresh，味道又唔假！似系新鲜草莓加水打成嘅沙冰，甜度啱啱好～上面仲有啲忌廉，为杯嘢增加左啲奶香！今日都无乜食过菜，点左个细嘅香草烤鸡凯撒沙律（$33）同西班牙蒜香橄榄油煮杂菇（$48）香草烤鸡凯撒沙律味道就不过不失，略嫌烤鸡过干。杂菇食落有啲似焗田螺嘅味道，咸香适中，虽然睇落成层油，但食落又唔会有油腻感觉！香烤黑安格斯一口牛柳（$158）石锅上有六旧大小适中嘅牛柳，中间唔会好熟，仲系呈粉红色，等客人可以自己再放上圆形嘅石板上煎一煎，热辣辣之余，仲可以自己决定熟成度！我就钟意将牛肉嘅油脂都煎晒出黎，用佢自身嘅油脂再煎到外面微脆嘅口感，内里肉质依然保持嫩滑呢！伴菜仲有洋葱同香脆薯角～ps.洋葱要不时拌一拌，如果唔系好易烧焦！香烤刺身级鲑鱼扒（$108）讲到刺身级咁劲，果然名符其实！口感好嫩滑～外面仲带微脆口感，超赞的说！伴菜都有洋葱同香脆薯角的喔～整体今晚嘅食物都好满意，下次有机会再同朋友黎食！