一葉家 (已結業)

以前食过几次，食物质量好唔稳定，有时可以好好味，但有时都几难食。装修之后，舖面光猛左，头几个星期行过几次都要等位，系威系势，一直都无帮衬过。今晚，星期六，六点三，得两三台人，即本试下。一家四口，坐卡位，都算舒服，一于试下四人套餐 $368。肉燥鸡丝粉皮及胡麻黄瓜 粉皮加一 pat酱，无乜鸡丝，亦无乜味胡麻黄瓜，都系无味卤水拼盘卤蛋是流心的，其余都无味盐酥拼盘炸的 okay香脆，不过是冻的生炒骨味道是合格的，有点甜有点酸，但系肉都系无味三杯鸡都系浓浓的酱汁，但系鸡本身处理的唔好，肉唔嫩，无味鸡丝 A 菜问题和粉皮一样，好多酱，但系无味肉松炒饭全晚最有水准的，至少系热，饭是炒熟的，有合适份量的鱼和虾，有食物味道的牛肉炒面都系无味，而且超油，你要有被吓怕的准备甜品面头系珍珠奶茶 d 珍珠，下面系布丁，味道唔错，系炒饭以外另一款合格的食物总体黎讲，个餐系超多野食，如果食物质素系合格，就真系好抵食，可以六个人都够。可惜今晚唔好彩。另外，唔知应该话厨房定系侍应既问题，虽然系叫餐，明知系整定，都唔驶一次过九碟野上晒台，张台系唔细，但都唔系大。俾个三杯鸡 d 热气蒸住个面你估真系可以一边食饭一边保湿？