微辣大排檔 (已結業)

之前望过微辣大排档个餐牌都偏贵一点，不过原来有个午市套餐几抵食，$99蚊有汤、小食、主菜、油菜同饮品。叫两个餐已经放到成枱都系。味道上个人觉得中规中矩，不过不得不赞装修摆设，感觉到每一处都有设计过，十分打卡able。当日例汤- 西洋菜猪骨味道较咸但未至于味精汤，猪骨一粒粒咁好散，忍唔住自己毕出黎。小食- 咖哩萝卜鱼蛋咖哩汁香浓，萝卜鱼蛋都入哂味!小食- 炸韮菜饺炸得几脆，肉比韮菜多因此韮菜味唔太够，一般。主菜- 虾酱炸排骨估唔到炸排骨虾酱味都咁出，份量有返咁上下。主菜- 西兰花炒鱼柳呢个份量望落就少咗啲，整体正常。鱼柳较松散，无乜口感。油菜有菜心、通菜同生菜可以拣，酱汁就可以配搭蚝油、腐乳或腩汁。饮品- 柠蜜 (正常但唔知点解比包糖我)饮品- 瓦煲咖啡 无叫少甜少奶情况下，偏甜，甜度同咖啡糖相约。