素味牽 (已結業)

素味牵据闻系加藤屋嘅分支，第一次去加藤屋，劲多人等位，于是就过咗隔离素味牵食斋。一坐低，环顾四周，非常干净整洁，墙上仲挂咗唔少风景相，即刻加分🥳。叫咗个素菜套餐，有两𩠌饭同饮品，两𩠌我拣咗茄子金菇羊腩同蚂蚁上树。老实讲，于我而言，素菜食材来来去去都系蔬菜，豆腐，面筋类，味道口感大同小异，所以调味好重要。呢两味𩠌嘅调味都算丰富，唔会干噌噌淡茂茂，前者有少许南乳味，后者微辣，唔错👍。饮品系是日特饮菊花圆肉杞子茶，呢杯认真正，净系听个名都知劲滋补，美颜润喉，菊花清香，圆肉甜甜哋有咬口，好饮😋。