峰 (已結業)

今日星期四，番埋就连放四日假，一于揾间好少少嘅餐厅，食番个靓Lunch，准备迎接美好嘅假期。呢间「峰」行过好多次，但一直都冇入去食，原因系一睇佢门面就知系贵野，所以无乜机会试到。今日下午行到黎，咁岩见到佢有Lunch Set，假期前夕就一于试下啦！「峰」门面好靓，入面亦都好靓，灯光暗暗地，坐落都几舒服。我简左系埋面嘅bar台坐，整体感觉都几唔错。午餐睇落都几多野食，选择都算多，不过我一向钟意芝士同汉堡，所以顺理成章点左「和风芝士汉堡扒定食」($56)。「定食」也者，就系跟白饭沙律一碗、白饭、面豉汤同可乐一权。点完餐，先黎沙律同面豉汤，唔知系季节问题，定系食物处理未够好，个沙律唔多新鲜，仲有少少苦添；至于个汤呢就好似咸左些少，而且味精较浓，所以呢两款前菜，我都系食左少少就放低了。等多一阵，轮到芝士汉堡定食上场，块汉堡睇落好厚好太份，而芝士亦系大大块，而且呢个芝士汉堡岩岩出炉，热到芝士都溶溶地，拎近少少就可以闲到香味，卖相都几好唔错！汉堡扒芝士配落白饭度，食落口感几好，加上汉堡大大块，食完成个set够晒饱。埋单$64，已经系我呢个week最贵嘅Lunch了，主菜几好唔错，系前菜差左少少，整