肥姐麻辣餐廳

营业中

休息中

今日返工好大压力，放工决定食餐好😃喺福来邨附近发现呢间肥姐麻辣餐厅，就入咗去叫咗几样嘢试吓✨餐厅环境几舒服，入面有卡位，有圆枱，而且有一啲中国山水画作点缀，一个人来又有电视睇唔会闷。我叫咗泡椒鸡脚 （$43）招牌水煮鱼-细 （$168）清炒土豆丝 （$78）泡椒鸡脚入味，鸡脚唔会硬绷绷咬唔到个皮，泡椒味几香，都几开胃，一碗入边大概有差唔多10只鸡脚，都几抵食。招牌水煮鱼入边有足料鱼块，鱼系食得出新鲜嘅，唔系急冻鱼柳，而且鱼系厚身，唔系鱼片来嘅，入边有花椒粒、豆芽，海带。如果两个女仔黎食都够。清炒土豆丝系最惊喜。土豆丝吵到唔会太林，又唔会太爽。土豆丝有少少酸味，几开胃。如果下次食水煮鱼或者酸菜鱼，唔想配饭，其实配呢个土豆丝都唔错。我觉得呢间餐厅，几适合几个朋友坐低倾吓计、食吓嘢。地方宽敞，环境比一般打冷舖头更干净、卫生。