Second Sip by Studio Caffeine (已結業)

平时成日同男友系大坑食野，但其实好食既都系得几间，依间系新开既cafe, 咁就黎试下啦。黎到间野细细地咁唔多位，如果一多人就有排等，好彩咁岩有个女客人见到我地等，佢一个人又差唔又食完好快咁让左个位比我地。咁我试一试佢d pasta先，叫左个carbonara 同rose latte，男友叫左佢最中意既all day breakfast。不过认真，唔知系咪细cafe无多个人应付楼面，得果两个人系度冲咖啡又收钱又盛，系几慢下同有漏单情况出现😅，我野食都食完男朋友杯latte都未到，可能小店要留意下员工既工作量应唔应付到。 不过食物质素是ok的，意粉味道唔错，无平时果种好「漏」既感觉反而有少少酸酸地几开胃，仲有d火箭菜，不过份量唔多。咖啡有玫瑰花香都唔错，不过摆系度好快就涷左。希望下次再黎拣少人d既时间会坐得轻松d。