Okapi (已結業)

近排行经赫德道既次数都算多，好几次夜晚经过Okapi 既时候都俾佢既环境吸引到，所以就揾晚放工同朋友一齐黎食饭啦。餐厅里面环境唔错，安静之余又带俾客人一种欧洲风格，配埋少少烛光，带俾客人少少圣诞同浪漫气氛，钟意圣诞节既我真系几钟意呢到既环境。晚餐方面可以拣一人餐，二人餐又或者系a la carte，由于二人餐有牛肉，唔食牛肉既我梗系拣一人餐啦。每个一人餐都有餐包，餐汤，沙律，主菜同埋一杯饮品。面包系意式香草包，厚得黎仲好松软，热辣辣，味道唔错。餐汤系南瓜汤，个汤卖相好靓，好重瓜味，加埋忌廉之后饮落口好香滑，配埋跟香草包，真系完美既组合。特选沙律配烟三文鱼既菜又新鲜又爽口，加埋份量适中既沙律醋同埋烟三文鱼，好醒胃，件三文鱼仲整成花型咁，好靓呀。香草炸兔仔腿配黑松露菌蘑菇意大利饭: 本人虽然对兔肉麻麻地，但系就非常钟意食蘑菇意大利饭。呢个意大利饭软硬适中，加入黑松露菌香令到个饭更加香口，至于兔仔腿本身味道唔错，但系一向好钟意兔仔既我真系唔忍心食佢条腿呀。炸焗鸡胸酿鹅肝酱配芥末籽忌廉汁: 鸡胸肉味道香甜，口感唔错，配埋忌廉汁令到鸡胸肉味道更加香口，至于配菜系杂蔬薯蓉，薯蓉落既牛油甚少，里面仲