留白 Livehouse

营业中

休息中

平时行过都唔多留意呢间餐厅，可能因为佢就系表演场地旁边，会以为系表演场地嘅一部分。今日有朋友介绍平日嚟食午餐，终于有机会可以试下。餐厅有户外座位，对开就系草地同树木，仲有一个好开扬嘅天空，坐低感觉好休闲舒服。午餐餐牌比较简单，叫咗一份多士同猪扒。烟猪腩火箭菜鹰嘴豆泥配酸种包多士沙律菜好新鲜，烟猪腩都好靓，酸种包水准正常。大澳虾酱烤带骨猪扒猪扒质素唔错，好幼嫩多汁，不过虾酱味唔算强，我觉得浓味啲会更好。呢个场地夜晚会有音乐表演，气氛应该会更好。