唐人館 (海港城) (已結業)

其實平時我好怕去飲茶，因為通常都好嘈，傾計好似嗌交鬥大聲咁！ 而且啲點心通常都好油... 呢間真係令我對飲茶改觀，而家先知原來飲茶都可以咁優雅（恕我見識少😅）呢度環景好靚，坐得舒服唔會覺得迫，又唔會好嘈，傾計可以正常聲線，唔洗嗌破喉嚨😆而且食物質素好好，點心唔會太油膩，啱晒我地呢啲為食又怕肥嘅人士。最欣賞佢個 #和牛千層酥 ， 酥香又唔會成口油。皮夠鬆化，和牛又夠淋。#翡翠白玉帶子餃，帶子大大粒又夠鮮味。仲有個 #黑松露龍蝦流心芋蓉盞好好味，一入口濃濃嘅黑松露香味。芋蓉流沙咁，外皮鬆酥脆，入口軟滑芋蓉，勁好食👍🏻推介