京.花朝 (已結業)

今日同男朋友第一次黎铜锣湾呢间京-花朝..一入到黎俾d装修吸引左，古式古香得黎好精致，非常舒适，最重要当然系食我地最爱大闸蟹餐啦---点知最近因为太湖大毒蟹事件经理竟然话冇返蟹，之后佢见我地一心想食蟹竟然立即帮我地安排，仲安排左靓蟹俾我地，即刻开心哂，头盘花雕醉鸡同海蜇都好鲜味，个炖汤够火侯，只蟹多汁多膏，个蟹醋几特别，不过本人就麻麻地，主菜仲有镇江骨同虫草菜苗，都好好味，最后食埋个红豆沙饼，好满足，而且份量都几多，好够饱，$588 的二人餐都几抵食，最重要系今时今日咁嘅服务态度已经好少有，基本上我地都冇自己斟过茶，食个service都抵，下次一定会再帮衬