Story Steak & Pasta (已結業)

今日又约咗朋友来元朗食晚饭，朋友话上次试过一间好正嘅西餐厅，想翻炒食多次，一于今晚到 Story Steak & Pasta。套餐包餐汤和面包的，餐汤系磨菇汤或南瓜汤。唔失礼wor, 餐汤都有拉花，很有心机，餐汤都好足料，好香磨菇味，仲食得出有啲磨菇粒，好有咬口。You know what, 唔好睇小餐汤，系俾客人嘅第一印象，真系好重要。一睇餐厅名称，就知系主打牛扒和意粉。我叫咗个美国安格斯西冷牛扒，配薯条。店员介绍返 Medium Rare, 系太生同太熟之间取一个平衡，果然中庸之道刚刚好。薯条炸得好香口，味道合格。仲有啲沙律菜伴碟，视觉效果一流。朋友叫咗个香蒜辣椒蚬肉烟肉意粉。食得出好香好惹味嘅蒜味，蚬肉粒粒足料，而且好香槛榄油味，坐对面位都闻到香喷喷，认真唔话得。我地另外再叫咗个小食share，串烧水牛城鸡翼，都烧得几香，串烧足签上，几香口，仲有少少胡麻酱沙律底，正。餐饮我地叫咗一杯榛子朱古力同一杯榛子咖啡，味道都几好。值得一赞嘅系餐厅环境好舒适，好适合坐低慢慢倾计、慢慢享受美食。Well, 朋友无介绍错，价钱唔贵，水准又高。今晚几满意呢一餐。