昭拍耶 (已結業)

店舖坐位唔算多，大約40個左右。7點左右去到已經滿座，如果去食記住要訂位！環境係唔坐，不過座位唔算坐得好舒服。叫咗幾樣食物，味道都唔錯！生蝦好新鮮！第一次食生蝦會將蝦頭炸熟咗，好香，好脆，好好味！叫咗個細嘅冬陰公，4個人份量啱啱好！不過如果唔食得辣嘅就唔好叫啦。每次食泰國野我都必叫嘅炸蝦餅，好香脆！但份量偏小。馬拉盞炒通菜，唔會好辣。黃咖哩雞，雞份量好少，咖哩味道好正，配埋蒜蓉包簡直世界級！本身諗住同朋友切埋蛋糕，但係要收切餅費，所以最後無切到就走咗。