Mr. Right (已結業)

难得放假返元朗，当然要同妈咪行下街啦~ 决定去千色广场附近的<Mr. Right>食左lunch先， 餐厅利用落地玻璃，令环境空间感非常大， 外边是花草树木，加上呢日天气非常好，令人身心放松~ 虽然lunch时间好多人，但因为枱与枱之间的间距大， 所以坐得好舒适，亦唔会好嘈~ Lunch Set包左主食、沙律、餐汤同饮品 价钱由60大洋起，非常抵食! 我地叫左2个set一齐share食~ <沙律>是一般沙律菜，不过就用左健康的橄榄油同柚子醋，口感清新，岩晒夏天食~ 是日餐汤<洋葱汤>，非常香浓~ 主食点左最爱的<香煎带子牛油果烩意大利饭>  光卖相已经非常吸引，有3粒大大粒的带子， 煎至金黄色，口感弹牙， 意大利饭软硬适中，上面仲有芝士块， 味道香浓creamy~ <美国安格斯牛肉汉堡>  巨大的汉堡，个包好松软， 中间夹住厚实的安格斯牛肉汉堡， 咬一啖感到好满足，而配的薯条又大又粗~ 饮品我地选择左健康的<橙汁&苹果汁>， 两母女一边食一边倾下计，非常写意~