紅磡冰室

营业中

休息中

夜晚想揾间餐厅食个饭，路过之前好多人等位嘅冰室，发现今晚竟然无人等位就入去试试！餐牌食物款式多，价钱都可以，就叫左铁板餐～猪扒，跟薯菜、餐汤同热奶茶。上菜时间非常快，同快餐店差唔多，餐汤系白汤（好大碗），铁板亦随之而来，有一块猪扒、一条肠仔、一片菠萝、一棵小唐菜、两粒车厘茄同一个焗薯！？（上面淋左芝麻酱）整体套餐份量足够，但配搭有啲奇，薯仔唔似系焗过，似系蒸熟，但用锡纸包住然后𠝹开淋上芝麻酱（莫非惊铁板会煎熟？）我个人觉得有啲怪，初初以为拣薯菜系薯条🍟，原来系薯仔。而本人最、最、最在意嘅系环境，一坐底就闻到成张枱湿湿地有阵酸醙味，而地上周围都几糟，但啲侍应好似好忙，连水都唔得闲比，唯有自己去斟，然后用水加纸巾重新抺一次，先无左果阵臭味，但随之而来就系啲侍应之间嘅粗言秽语，即刻庆幸好在今日无带小朋友出黎。大家唔好俾餐厅嘅外表欺骗到，其实入面同大排挡差唔多。