I's Land Cafe (已結業)

同家人又黎观塘区揾食，姐夫带路话想食呢间好耐，咁又试下啦。我地食早，入到去得3成人，枱多到1不得了，但带位待应唔比拣位，话好爆，咁又奇怪，我又唔信全部人订枱都指明要边张枱！Anyway……….店里面虽然唔系高级餐厅咁豪装，但布置好有心思，好有Café Feel……….枱同枱之间有小小密，但系佢地同高身书架隔开，感觉唔同晒，值得一赞。Menu 选择唔多，拣左个美国顶级肉眼伴烧鹅肝。餐汤为杂菜汤，足料而味道浓郁，味道似罗宋汤，可能以鸡汤做底。跟汤茸法包毫不吝𢠁，够你每人两件，而且涂上左厚厚既蒜茸牛油，好香又脆，正！美国顶级肉眼伴烧鹅肝卖相都唔错，不过就得个样，鹅肝唔脆，入面好散，唔滑，牛扒够大件，但系肉味好淡，烧得唔似个样咁香口…有少少失望…甜品方面，豆腐芝士饼好散，而且好似雪左好耐，无味道兼唔得……Waffle都系得个外表，唔系好脆口之余，个浆入面唔匀均…如果只要一个舒适既环境而对食物质素要求唔高的话，可以考虑同朋友黎HEA下，想食好野的话，就唔会拣呢度！