本延鍋物

营业中

休息中

最近听讲湾仔开左间新嘅shabu shabu店《本延锅物》，即刻叫埋啲朋友仔试下。去到餐厅门口已经比外墙吸引，白色嘅外墙呈孤形向外弯曲，加上木制外框大窗，设计都几新颖。餐厅内部装修都同样走日式木系设计，挂上日式嘅图画同埋暖色调嘅灯光，俾人好舒服嘅感觉。日本黑毛和牛A4套餐120g $238和牛采用熊本县嘅「和王」The King of Wagyu。做得和牛之王，牛种需要饲养超过28个月以上，而且BMS(油花等级标准）达6级以上，十分矜贵。和牛颜色鲜红，油花分怖平均同埋细致。涮8秒左右就可以食，食之前当然要沾上日式蛋酱，能够令到肉质更加幼滑。配料仲有虾滑同埋蔬菜类，虾滑上面放左蟹籽，煮完之后吸收左寿喜烧嘅甜味，更加带出虾嘅鲜味。另外加+$15可以将日本米饭转成乌冬。强烈建议升级，乌冬好有弹牙，吸收完寿喜烧汁甜中带咸，好特别。最后总会附上甜品，今次嘅甜品系日式抹茶蕨饼，烟烟韧韧好特别。