三木日本料理 (已結業)

又到一大班朋友大食一餐嘅时候喇!难得大家都肯，当然去试吓新餐厅啦!呢间嘅放题应该开咗无耐，唔系太多人，环境几好!几适合朋友聚会。食放题当然唔少得剌身船啦!好难得有齐甜虾、带子、赤贝同象拔蚌嘅组合!三文鱼剌身系腩位，好肥好厚，食落无根又有鱼油味!带子唔系俾小粒贝柱，系真带子，够甜够鲜!赤贝好爽囗，无雪味!象拔蚌无过度出水嘅情况，正!回本嘅军舰之选!先要一个海胆军舰，淡淡嘅海水味，食落唔腥，又好新鲜，大大份，真系一试难忘!另一个就系蟹羔蟹肉军舰，又一鲜味之选，蟹羔好浓好有蟹味!当然都要试吓炸物啦，有好好食嘅炸香蕉，香蕉炸到半溶嘅情况，食到中间仲会牵丝添!鱿鱼又系啱啱炸起，香囗度爆灯呀!呢个就系至爱嘅烧红薯，好甜，连皮食都得!细细位，食多几串都得!呢个系好滑嘅3.6牛乳，滑到好似饮牛奶噤，好浓又唔会太甜!上焦糖布丁个时，个焦糖又脆又热，布丁冻冻地，好正嘅囗感最后仲整咗个椰子雪糕收尾，又凉又清爽，今晚真系无得顶呀!