嘉華餐室

营业中

休息中

又到最唔想煮饭嘅星期一，决定罢工，同老公去屯门良景新开嘅茶餐厅试新嘢🍽。餐厅都几大，环境宽敞舒适，开扬明亮。最近无乜胃口，最啱食啲酸酸辣辣嘅菜式，所以我点咗老坛酸菜鱼$88，老公就点咗生炒骨$69。套餐跟中汤同饮品，都算几抵食。1️⃣ 老坛酸菜鱼🐟鱼片新鲜嫩滑，份量刚好，最重要系无腥味。汤底鱼香味鲜，酸酸哋好开胃，如果可以拣辣度就更好了。里面有芫茜、大豆芽菜、酸菜、几款菇同红薯粉做配菜，好味道！2️⃣ 生炒骨🐖我老公嘅至爱！色香味俱全，炒得好靓，色彩缤纷（红椒🌶、青椒🫑、菠萝🍍、紫洋葱🧅），见到就流晒口水。个汁整得好惹味好正宗，好啱配饭食🍚，生炒骨肉质都算新鲜，配料都炒得好香口。3️⃣ 雪山脆米朱古力🍫 特饮另加$12朱古力味香浓😍，上面仲有一层阿华田味嘅粉同脆卜卜嘅米通，卖飞佛！真心好饮！4️⃣ 龙凤柠乐🍋 特饮另加$12好耐无饮过咸柠乐了，好怀念，加少少🤏🏽钱都值，啱晒宜家热辣辣嘅天气，好清爽呀！另外忍唔住要赞一赞哩度嘅服务，职员好亲切有礼，星级茶记！一定会再帮衬！