魔膳工房 (已易手) 新餐厅

中秋节同妈妈食晚饭，见到评语都唔差，所以去试下。可惜食物质素一般，价钱亦唔平，唔值。三个人叫三个主菜，但食物系唔热，入座时只系晚上6点，只有两台客，但食物上台系常温。餐汤：粟米忌廉汤~味道算正常餐汤：咸到唔识形容龙虾汤海鲜意粉-最正常嘅一道菜，但大虾煮到干咗，肉质好韧。慢热肉眼扒-要7成熟，因为母亲大人只接受到粉红色肉，但上台得5成，而且系唔热。完全唔值$338。煎青衣鱼扒-味道正常，但肉质好“鞋”，而且上台食物温度都系常温。不过紫薯蓉值得一赞。仲叫咗一个焗田螺薯容，可惜卖相唔吸引，而且味道都虽然唔算难食，但都唔好食，所以冇影相。全晚叫咗三个主菜，一个小食。三个人连加一要$829，觉得唔系好值得。试过就算。