影片
更多
2022-11-30
124 浏览
尚上下夏，个店名同个店舖嘅环境一样都好得意，好有创意！每幅墙都画有唔同嘅猫猫，颜色鲜艳，趣致可爱！令‘’食鸡煲打边炉‘’呢件好似好麻甩嘅事，即时变得不一样，好似感觉优致左😎😌😆餐厅仲有室内同室内既座位。室外应该可以方便食烟，室内就有电视，适逢呢排世界杯，可以大班朋友一路睇波一路打边炉正！另外仲有具私隐度既房仔位置添！一坐低店员就已经准备好酱料俾我地拣，有豉油、葱、辣椒、蒜蓉、炸蒜、沙嗲酱、花椒油，都好齐全。鸡煲（半只鸡） $168鸡煲有得拣鸡脾/鸡胸/全只鸡，鸡脾就啖啖肉，不过都系钟意有骨鸡件，配辣汁有得啜下，其实好滋味！经验所得，2个人叫半只就够！呢度既小辣，辣度啱啱好，鸡煲非常惹味！入面仲免费有猪皮！！猪皮索晒d鸡煲汁，超好食！另外店员服务好好，时不时会行过嚟帮我哋毕下个鸡煲，调较火力，make sure个鸡煲唔会黐底。食到中间，个碟多骨，又会主动帮我哋换碟。服务赞！👍👍👍食完鸡煲可以加汤再打边炉，我哋拣咗瑶柱群翅鸡汤，只系因为本身已经有个鸡煲酱汁底，再直接加汤喺入面，未能完全食饮到鸡汤。不过鸡煲配鸡汤，非常夹既！味道够浓，其实后面嘅食物都唔使点酱汁。手切顶级安格斯$175 睇样都
个店名同个店舖嘅环境一样都好得意，好有创意！
每幅墙都画有唔同嘅猫猫，
颜色鲜艳，趣致可爱！
令‘’食鸡煲打边炉‘’呢件好似好麻甩嘅事，
即时变得不一样，好似感觉优致左😎😌😆
餐厅仲有室内同室内既座位。
室外应该可以方便食烟，
室内就有电视，
适逢呢排世界杯，
可以大班朋友一路睇波一路打边炉正！
另外仲有具私隐度既房仔位置添！
一坐低店员就已经准备好酱料俾我地拣，
有豉油、葱、辣椒、蒜蓉、炸蒜、沙嗲酱、花椒油，
都好齐全。
鸡煲（半只鸡） $168
鸡煲有得拣鸡脾/鸡胸/全只鸡，
鸡脾就啖啖肉，
不过都系钟意有骨鸡件，
配辣汁有得啜下，其实好滋味！
经验所得，2个人叫半只就够！
呢度既小辣，辣度啱啱好，
鸡煲非常惹味！
入面仲免费有猪皮！！
猪皮索晒d鸡煲汁，超好食！
另外店员服务好好，
时不时会行过嚟帮我哋毕下个鸡煲，
调较火力，
make sure个鸡煲唔会黐底。
食到中间，个碟多骨，又会主动帮我哋换碟。
服务赞！👍👍👍
食完鸡煲可以加汤再打边炉，
我哋拣咗瑶柱群翅鸡汤，
只系因为本身已经有个鸡煲酱汁底，
再直接加汤喺入面，
未能完全食饮到鸡汤。
不过鸡煲配鸡汤，非常夹既！
味道够浓，
其实后面嘅食物都唔使点酱汁。
手切顶级安格斯$175
睇样都知高质素！
油花平均，望落色水新鲜
打边炉浸一浸，唔使太耐，
食落肉质好滑，肉味亦浓。
珊瑚蚌拼桂花蚌$133
有得双拼，可以一次过食2样！
两种蚌都好鲜味！
渌一阵，卷起就食得，
好新鲜，脆卜卜！
招牌手打四宝丸$60
有墨鱼丸、鸡肉丸、虾丸、猪肉丸，
每样2粒。
全部都系手打自家制，大大粒够足料。
$60试到咁多款！呢个必叫！
墨鱼丸、虾丸新鲜弹牙，好食！
比较特别系个鸡肉丸，
唔系好多地方有，都值得试下。
临走店员仲同我地介绍，
餐厅将会推出尚梦饮食集团会员app，有好多迎新优惠，
可以留意下！
张贴
