影片
更多
2019-02-14
2186 浏览
喺圆方食野选择唔算多，而且价钱都偏贵。知道呢间日本开过黎嘅餐厅嘅经营权比左大集团，品质应该有啲保证挂。虽然冇喺日本食过，但即管去呢度试下。呢度环境几好，啲位好阔，枱同枱之间都好阔落，坐得好舒服。呢度服务态度基本上都唔错，唔会黑口黑面或者窒人，好够人所以多数即叫即到，又会成日加茶，算系异于大集团旗下嘅大部分餐厅😂 食物黎讲，几好食，啲野都新鲜，又比得好大份。当然佢收嘅价钱一啲都唔平😂 小编会觉得贵左啲。但计埋地段同环境都算炖翻个匀。海鲜丼二百尾，新鲜，但海鲜份量少左啲，一定唔够𩠌佢比嘅饭量😂芝士玉子冇咩芝士😂 不过好味嘅，唔会太甜，好香。天妇罗系其中一样呢度出名嘅菜式，不负众望。炸得啱啱好，唔会㶶同太油，而且好香。啲料都好多，有海鲜有菜蔬，好新鲜同大份。豚肉丼就好大碗，豚肉有好多块，都几厚同松软，不过就老左少少，而且成碗野都出奇地热，连个碗都好辣手😂呢个烧肉定食唔错，牛有得拣十胜定和牛，但𠮶日十胜冇货 肉唔多，而且唔大块。啲牛略嫌油，雪花太多，仲要有块脂坊喺个炉上面，有啲腻同滞。 不过个定食嘅炊饭好好食😂 但呢个要三百几，贵喺啲牛度，值唔值得叫就见仁见智。整体都唔错嘅，真系坐得舒服，野食
呢度环境几好，啲位好阔，枱同枱之间都好阔落，坐得好舒服。
呢度服务态度基本上都唔错，唔会黑口黑面或者窒人，好够人所以多数即叫即到，又会成日加茶，算系异于大集团旗下嘅大部分餐厅😂
食物黎讲，几好食，啲野都新鲜，又比得好大份。当然佢收嘅价钱一啲都唔平😂 小编会觉得贵左啲。但计埋地段同环境都算炖翻个匀。
海鲜丼二百尾，新鲜，但海鲜份量少左啲，一定唔够𩠌佢比嘅饭量😂
芝士玉子冇咩芝士😂 不过好味嘅，唔会太甜，好香。
天妇罗系其中一样呢度出名嘅菜式，不负众望。炸得啱啱好，唔会㶶同太油，而且好香。啲料都好多，有海鲜有菜蔬，好新鲜同大份。
豚肉丼就好大碗，豚肉有好多块，都几厚同松软，不过就老左少少，而且成碗野都出奇地热，连个碗都好辣手😂
呢个烧肉定食唔错，牛有得拣十胜定和牛，但𠮶日十胜冇货 肉唔多，而且唔大块。啲牛略嫌油，雪花太多，仲要有块脂坊喺个炉上面，有啲腻同滞。 不过个定食嘅炊饭好好食😂 但呢个要三百几，贵喺啲牛度，值唔值得叫就见仁见智。
整体都唔错嘅，真系坐得舒服，野食黎得几快😂 侍应唔会催人走，同朋友慢慢食都冇问题。
张贴
