Dirty Skillet

营业中

休息中

今日我生日，朋友同我去呢间西餐厅庆祝，入面装修都好童话feel,而且d食物都好好食。火焰芝士配杏甫酱，蒜蓉意大利包上枱时店员即时点火，好有仪式感，d芝士烧到咋咋声，有拉丝嘅感觉，而杏甫肉酸酸甜甜加埋芝士咸咸香香，搽上脆卜卜嘅多士上面，劲正秘制Dirty屠夫牛排上枱时成个煎pan上，好够镬气，仲热辣辣咋咋声，牛排上枱时5成熟，可以按自己喜好自己煎熟，牛排好重牛味，非常淋，好juicy,而炸薯条炸到劲香脆，呢个main course非常满足。芒果拿破仑餐厅员工知道我生日，专登喺碟上写happy birthday，劲窝心,有埋著灯嘅转转音乐盒喺个甜品下面,卖相劲靓，个甜品劲多芒果肉，好甜，而d吉士酱好香滑，个酥皮好脆，好味。Dragon Hat卖相一流，火龙果，菠萝同士多啤梨果味重，加埋有汽梳打，消暑一流。Fresh Kumquat Lemon Soda金桔柠檬味酸酸甜甜好正，劲开胃，非常解口渴。