新潮樓 (已結業)

之前去九龙湾国际展览中心都系睇下show，估唔到EMAX都有间中菜系几高质，环境好阔落舒适，食物多选择，上菜速度快，食物热辣辣够新鲜，员工亲切有礼，斟茶执碟所有野都好细心。唔好以为EMAX好隔涉，其实系九龙湾站转shuttle bus都劲快，同屋企人黎食绝对合适。叫左个精选套餐4人份量，首先黎到既系瑶柱海皇羹，够热，味道唔太咸，有劲多虾仁同埋瑶柱，绝对比货冇取巧。之后系潮州卤水鹅拼盘，有鹅肉、卤水猪肠、红肠、墨鱼同猪腩肉，潮州特色够入味同好好食。碧绿川淑虾球食落好香口，虾球好爽口弹牙，味道有啲似烧烤酱味，几特别。潮汕梅膏骨类似金沙骨咁，酸酸甜甜，五花腩都几多肉，小小肥令到d肉好juicy，但又唔会成口油，岩食。招牌吊烧鸡果然系招牌菜，鸡皮薄香脆，鸡肉好滑，仲有淮盐吊下味，十分出色。最后就系姜汁方鱼芥兰，芥兰配姜汁可以减低个苦味，仲有方鱼几特别，有啲似柴鱼。糖水系紫米露作结。现场仲有live band show ，仲可以点歌，有新歌又有旧歌真系啱晒唔同年龄层，成个用餐气氛好好，佢个地点好似好远但其实都几方便，价钱都唔系好贵。