七重天餐廳 (已結業)

跑完渣打马拉松10公里,消耗晒D体力,系时候开餐补充番了! 铜锣湾一带的食肆定必好多人,所以我同老公及友人一行5人就由天后一路行一路揾食,直至行到呢间餐厅. 当时未够9点,店内只得2个食客,大家都有点犹豫点解会无咩人,但同时间又被门面及店内装修所吸引,所以决定一试!我叫咗沙嗲牛肉出前一丁,一上枱就闻到好香la,牛肉份量都唔少,底仲有一层,肉质鲜嫰,不错! 而老公𠮶set早餐就有脆脆猪仔包+煎双蛋+薯角+牛扒,样样有D,啱晒佢,咁多嘢食都系$32,抵!食物不错,环境舒适,价钱又唔贵(不用加一),有机会再嚟试下其他嘢食先!