囍公館 (已結業)

当日下午自己一人去咗西九龙文化区行下，之后去咗依间食下午茶。由于佢本身系冇下午茶餐，所以我就叫左啲点心。当日我叫咗彩虹鲜虾饺、蟹肉海鲜春卷、黑蒜带子饺。点心确实唔错，虾饺内嘅虾口感都实净，唔会有啲「霉」嘅感觉，都几爽。春卷味道都唔错，食到有蟹肉同少许海鲜味道，而且，春卷外皮都脆。至于黑蒜带子饺，带子食落去都有几清新嘅感觉，唔会俾你觉得好多油个种感觉。𠮶日去到餐厅人数唔多，而且佢有室外室内座位，位与位之间亦宽敞，都好舒服。尤其是当你坐室外嘅时候，望出去出面个景系好爽嘅。