泰道 (已結業)

喺西贡玩完kayak🛶，又成身湿住又肚饿，唔想返市区食，就揾咗间附近嘅餐厅食。呢间餐厅位置上离西贡市中心比较远，而餐厅亦都安排咗好多停车位，比揸车人士可以去泊🅿️。所以对于我哋揸车嘅人来讲🚙，都算系非常之方便。虽然离市中心比较远，但系唔代表餐厅冇乜人，我哋五点几去到，都已经冇晒望海景嘅和室外位，只有入少少嘅一张室外位。虽然系室外，但系由于餐厅提供好多风扇💨，所以一啲都唔觉得热。🥵餐厅对住嘅海景系其中一个卖点，日落时分去，景色十分怡人🌅。嘢食方面，我哋叫咗三味𩠌。首先，泰式炒杂菜普普通通🥬，唔系唔好食，只系冇乜特别。之后我哋再叫咗椰子鸡汤同埋青咖喱鸡，两样嘢都非常之好味😋。椰子鸡汤充满咗椰子嘅香味🥥，而中间亦都加咗少少嘅辣味，令到咁重椰子味嘅汤都唔会太济。另外，青咖喱鸡就一啲都唔辣🌶，加埋个薄饼去点，香口嘅咖喱味衬托住松软嘅薄饼，令人一试难忘。🤤虽然价钱真系偏贵💰💰，但系咁嘅环境，咁嘅食物质素，都算系值回票价，值得一试。⭐️⭐️题外话，呢间野服务就差咗少少，我哋其实仲叫咗个明炉鱼，等咗半个钟，我哋问过女侍应，佢话会跟跟，点知过多左15分钟，我哋再问个高级啲嘅侍应，佢再帮我地睇，原来根本都冇落单