Hygge (已結業)

我地食野除左想食物有水准,就系坐得舒服,环境开扬既餐厅,位于大坝街街尾,所以唔太多人周围行,四围都望到外面街景坐得非常舒适。系荃湾广场对面既Hygge,门口设计得不错,令走过的人都会停下来影相。先送上餐包及牛油印度胡椒饼,蕃茄沙沙$38,3大块薄脆饼,胡椒味香浓很够味,配上青瓜粒,洋葱粒,红椒粒,芫茜碎,整个超惹味香口。吞拿鱼,三文鱼他他$48,下层是健康爽口藜麦,上层是吞拿鱼,三文鱼,蟹子捞好沙律酱的他他,入口清新,铺面的有黑醋鱼子,薄脆脆等等,卖相精巧。椰菜花忌廉汤$38,小小Creamy又唔会好滞,打完菜蓉唔会隔走所有渣,饮落有少少椰菜花蓉~仲有Bacon粒粒带出一点咸鲜味,最中意呢种西汤,好好味。南瓜蟹肉咸蛋黄意大利饭$138,好多西餐都加入南瓜,既是健康蔬菜又可以做出多种唔同的菜式,南瓜意大利饭有南瓜的清甜,食食下又有咸蛋香,两者味道好夹,有埋蟹肉,呢道菜好丰富。波士顿龙虾,牛腹肉$225,龙虾好多膏,餐厅还细心地起左龙虾钳肉,肉质爽口鲜甜,牛腹肉厚切,牛味颇重,入口有嚼劲又嫩,调味也很浓~薯蓉好香牛油味,仲有粟米仔,蕃茄,烤蒜头拌碟!!