影片
更多
2015-09-12
2038 浏览
备受国际提名「亚洲最佳50餐厅」其中一间竟然系有"Club"字眼嘅一间餐厅。 小妹好疑惑，难得衬住同姊妹一聚, 决定一试「亚洲最佳50餐厅」Issaya Siamese Club嘅龙与凤! 整体食物系非常好!环境亦一流! 系服务令小妹却步。先讲令小妹扣分嘅位。礼貌嚟讲系扣分扣得比较严重。所以评分由好评变一般。1. 当时大概8点晚饭时间, 小妹同友人收到就只有Drink Menu, 揾咗阵都唔见Food Menu, 之后再问店员先拎嚟。2. 最大问题系10分钟内催落Order 3次, 环顾四周眼见系最少有10张空枱而无放「留座」牌。3. 然后店员一直无斟水, 但突然间有一下就问小妹要Tap Water 定要Sparking Water, 小妹拣咗Tap Water但店员拎嚟系一支未开封玻璃樽嘅水。因为有部份餐厅真系无水供应而要买嘅, 心谂都正常。但之后食饭食到尾声嘅时候又比小妹见到有统一服饰打扮嘅店员用手提水樽(仲要内有柠檬)为其他客人倒水。我地嘅Tap Water 要收钱, 人地就正常水仲要有柠檬味, 即系点呢?4. 比钱嘅时候小妹系用信用卡要签名。可能都10点半太攰啦, 身著西装嘅店
先讲令小妹扣分嘅位。礼貌嚟讲系扣分扣得比较严重。所以评分由好评变一般。
1. 当时大概8点晚饭时间, 小妹同友人收到就只有Drink Menu, 揾咗阵都唔见Food Menu, 之后再问店员先拎嚟。
2. 最大问题系10分钟内催落Order 3次, 环顾四周眼见系最少有10张空枱而无放「留座」牌。
3. 然后店员一直无斟水, 但突然间有一下就问小妹要Tap Water 定要Sparking Water, 小妹拣咗Tap Water但店员拎嚟系一支未开封玻璃樽嘅水。因为有部份餐厅真系无水供应而要买嘅, 心谂都正常。但之后食饭食到尾声嘅时候又比小妹见到有统一服饰打扮嘅店员用手提水樽(仲要内有柠檬)为其他客人倒水。我地嘅Tap Water 要收钱, 人地就正常水仲要有柠檬味, 即系点呢?
4. 比钱嘅时候小妹系用信用卡要签名。可能都10点半太攰啦, 身著西装嘅店员好Causal 地就重重放低签名簿同单再搭多句「签名丫!」……。小妹同姊妹们都系食个饭坐咗2个几钟左右…身边仲有好多吉枱同有客人都未走…我地都无阻收工唧-_-.......
食物方面非常满意, 逐一介绍:
香辣醋汁牛柳
牛柳烤熟程度刚好, 肉质以及肉汁都满意。每件都配上香茅、炸蒜, 另有青瓜或者蕃茄作为配搭。香料味之中带D肉味又清新,正!
香蕉花伴棕榈芯沙律第一啖嘅感觉系脆! 仔细一睇除左有碎脆蕉片、花生、脆小鱼之外, 望住一块块方形带点白色脆块, 系棕榈芯。香浓花生味之中带点微辣, 非常惹味南洋风前菜。
香烤猪肋骨配自家酱汁重头戏, 猪肋骨。可惜就只得两件。唔知店家系唔系想营造少食多滋味嘅感觉呢? 肋骨同肉非常容易分离, 咬落去亦非一般美式猪肋骨比较干身而系肉质鲜嫩又多汁, 领教到杂志上所提到「3小时熬制」嘅风味。香茅味伴随著嘅柔和嘅甜味同轻微嘅辣味, 层次丰富而又不盖过猪肋骨原味…..两位友人同小妹都觉得系非常出色嘅作品。
胡椒香草大虎虾可以品尝到大虾爽口弹牙, 酱汁有中式风味, 同时胡椒、蒜同香料味亦有于after taste同时渗出。虾头嘅虾膏非常多, 小妹用叉轻轻一拮就吱晒出嚟。咬落亦都鲜味非常。
火焰烧鸡
呢个名令小妹联想<<西游记>>入面嘅火焰山, 熊熊嘅烈焰…系咁烧呀烧呀~哈哈哈XD上菜嘅时候店员哥哥的确完美演绎咗烧鸡一刻。
友人同小妹对呢道菜嘅味道期望比较大(名太有霸气), 可惜味道同预期有D不一。鸡依然鲜嫩亦带酒香与椰香…但的确系味道比较清淡嘅。
马沙文咖哩羊膝伴有原块蒜头以及薯仔。用刀分开羊膝嘅一刻, 已相信店家对炖煮非常暸如指掌。羊膝有住一重唔会令人失望嘅鲜嫩多汁, 同时亦非常冧。咬落羊骚味唔重, 汁亦无预期嘅浓味。
石锅蘑菇五谷饭五谷饭故名思义系有咬口。望著一粒粒红米、黑米、糙米仲有薏米配搭上腰果嘅组合感觉非常健康。可惜嘅系蘑菇较少, 但仍然有菇鲜味。鲜味中仍见蒜香, 亦滋味。
茉莉花奶冻米雪糕最后作结嘅甜品令小妹非常IMPRESSIVE !! 奶冻好好食!! 清新又浓郁茉莉花味食起嚟像真唔虚假。(咁啱同场友人亦叫Jasmine, 好似品评紧佢咁, 哈哈)花香之中亦见奶味, 淡淡花香余韵令人回味。同时位于碟上有粒粒米粒嘅米味雪糕并无喧宾夺主之嫌, 配搭得奶冻非常出色。惟一美中不足应该就系雪糕上面嘅米脆片, 略为有D「痴牙」。整体嚟讲, 呢一道甜品系令小妹当晚有一个美好嘅深刻印象为作结。
以食物质素、份量同整体价格嚟讲系性价比非常高的。希望店家追求食物质素同时亦多注意服务层面小细节
张贴
