食力點心·雞煲專門店 (已結業)

同佢啲fd去威食過依間雞煲話好抵食喎帶我去試吓。咁我又睇吓係咪真係咁把炮。先嚟係點心一籠。有不期待嘅粉果。蝦餃ok。跟住上雞煲喇。無乜汁喎。好似乾煎咁。味道一般啦。都有種麻嘅感覺。份量ok。都有肉食嘅。加咗湯變邊爐之後直頭清湯咁。要要求加雞煲醬先有返味覺。Default咗有個菜籃。某啲菜唔啱食囉。比我自己揀返。好冇?!當中粟米好甜另外default咗肉盤。蝦都新鮮。青口大隻。其他肉呀丸呀都正正常常咁啦。最後叫咗個餐廳專用出前一丁。同家用食有咩分別呢任叫嘢食選擇唔多。廿幾種倒啦。嘢飲都係嗰啲啦。要求唔高同唔想食得咁局促。依間餐廳係好選擇。因為食飯時間客都係坐咗3/5滿