鮨樂 (奧海城3期) (已結業)

星期日同朋友共两人去呢间餐厅食，本身拣呢间见佢有啲特价菜式。我一早订位，去到发觉都多空位。环境都干净明亮，我地两个坐4人座卡位都阔，可以摆下袋都舒服。野食方面我就觉得一般，我叫左个蟹叉烧乌冬，朋友叫左个安格斯牛乌冬，另外叫左个烧油甘鱼同一个灸烧虾寿司。我个乌冬我觉得好普通，不论样同味道🙉 味道淡，我觉得同系屋企自己煮差唔多样。朋友表示同感。🙊呢个乌冬折左约70蚊。朋友个乌冬望落去同我差唔多，不过佢就系变左有3块熟左嘅肥牛片🙃 寿司普通，食完无咩印象，油甘鱼我就无试啦，因为觉得啲食物都应该一般就唔浪费quote食啦。最后餐厅送左个云尼拿雪糕，味道反而不错😂， 两人最后大约用左320蚊啦。