London House Gordon Ramsay (已結業)

好彩book咗位，所以过程比较顺利。到嘅时候已经好多人，同尖沙咀果边唔同嘅系尖东哩度外国人居多，气氛几好。哩度系英伦风嘅bar，唔系开大餐食fine dining，其实咁都好，饮两杯食下野，乐得简单。食英国野，fish and chips 系其中一个见功架嘅菜式。炸鱼脆浆薄得嚟够脆，唔错，鱼肉口感ok。果个似系青豆酱，好食。薯条都系我中意嘅款。份量比我想像中大。另外叫咗个Lamp Chops，好似话系特别野。件数都系好足，两个人非常够。肉质唔错，有肉汁但系唔会好腻。食下酒饮下酒吹下水一流。总体感觉唔错，以英伦酒吧风格嚟讲相当唔错。而且环境几好，开扬有海景，热闹但系唔会觉得好乱。价钱喺哩D咁嘅中心区域算系相宜。