和平飯店 (V Walk) (已結業)

同老朋友食饭想坐得舒服D, 上openrice search左一会就揾左和平饭店。虽然疫情关系，但餐厅都有唔少客食饭。我地大约七点钟到，幸好不用等位。食物叫左小笼包，海皇羹，翡翠苗，和平炒饭，脆鳝及乳鸽。小笼包鲜味多汁算唔错，不过汤汁可以再浓香小小。海皇羹足料既，好耐未食过呢D汤羹😂虽然唔算有惊喜，平平实实唔错啦。炒翡翠苗正常发挥，属于一般中式酒楼饭店质素。前菜脆鳝就麻麻地，炸到好重油益味，我觉得下次叫熏鱼会好一D。和平炒饭都好一般，以为系招牌炒饭会有大d期望，但味道偏淡，亦都炒得唔够香，有改善空间。综合觉得和平饭店食物质素OK啦，而且价钱亲民，所以如果一家大细又想环境好坐少少都可以选呢到。