The Chop House (已結業)

是日happy Friday 想同朋友揾个地方坐得舒服啲咁倾下计，朋友就suggest黎The Chop House. 原本以为要等下位，点知一上到去就有位，都几开心，而且入面环境宽倘舒适，唔会好嘈，几啱两三人嘅gathering。今次三个女仔点了4道菜，先黎caesar salad with chicken，味道中规中矩，蔬菜几新鲜，鸡肉唔“鞋”，值得赞。小食点了炸鱿鱼圈同埋炸甜番薯，炸鱿鱼圈味道唔错，但可以更香脆，如果炸至金黄会更好，不过佢配上嘅sauce好好味。至于炸甜番薯，炸得好香脆，口感好好，番薯本身散出微微甜味，唔点茄酱都已经好好味。主食了西冷扒同埋carbonara, 西冷扒叫了6成熟，钟意佢有锁住牛肉肉汁，表面冇㶶味，食落口感虽然未到好嫩滑，但唔算烟韧。carbonara好值得推介，sauce 有香浓芝士蛋黄忌廉酱味, 因为烟肉煎至香脆，同时令整个carbonara食落都有烟肉嘅烟熏味，味道整体有层次。今次我地冇叫到野饮，不过佢酒精饮品 16：00 － 19：00； 10：00－12：00都有系happy hr价钱，钟意饮野嘅人应该几啱去。