Teddy's Cafe (已結業)

早排反过食午餐,都几好,不过果时得番两款午餐,有乜得拣,所以寻晚再去食餐劲.同我阿哥两个人叫左个海鲜拼盘,有一只大生蚝,一只大元贝,两只虾,两只青蚝,两只田螺,除生蚝外,其他都应该系用水浸熟,青蚝做得几好,有鲜味,唔太生,亦唔会谈到太硬.虾似乎唔系太新鲜,田螺同元贝就OK啦.跟住有羊鞍,叫左四成熟,佢似乎煮得太生,表面烧熟,但系里面就太生,肉都完全唔离骨.虽然话要得四成就遇左系生o的啦,不过都唔会生到咁... 依我所知,羊鞍要烧得好,一定唔可以只系烧,多数都会用高温密实袋包住,用60-70度水浸一段时间,最后先用火烧番香表面. 咁整就可以保持o的肉o既弹力,肉汁,唔会血淋淋,又有烧烤o既香味.另外叫左西泠牛扒,五成熟,不过出黎就好似太熟喇,我估大概八成左右,不过块肉靓,就算太熟,都唔会好硬,肉味亦好.再叫左个"暖苹果挞配雪糕",做得唔错,以28蚊可以食到o既甜品黎讲,算系一流,同Pepperonis Pizza 果个Apple Crumble 都有得比,不过好似呢度食就平好多.佢杯咖啡都几好,不过我就唔太多研究,应该系用机打出黎,奶亦有打泡,总之觉得好饮啦.两个人食左四百几蚊,系意料之