影片
更多
2016-07-02
766 浏览
一行十几人黎庆祝生日，谂住地方大，坐得舒服。食物inner set 83蚊起ge颓饭。主要系 忌廉汁/茄汁/沙律汁 + 火腿/磨菇/烟鸭胸+意粉类/饭/菜既组合80几90蚊食呢d野都算，跟餐有杯34蚊既野饮，但全个餐牌得2款系38蚊~系果汁味精+红茶/绿茶，颓爆，连饮朱古力都要补6蚊差价。如是者第一个朋友身先士卒，叫左个烧牛肉沙律，牛肉得几块，佢主要都系食草，冇错，呢个就系83蚊个餐啦！跟住其余有几个叫左饭/意粉，份量真系好少，肉酱意粉好少肉酱，带子饭好少带子，连火腿长通粉都好少火腿，其实呢d野咁平，收人地80几90乎几蚊，悭黎做咩呢??结果唔饱，有人就叫多左个净烧牛肉沙律，即系同set一模一样既菜式，45蚊，黎到份量多过一个餐，跟住大家突破盲点咁计，如果散叫加多一杯40蚊既野饮，只系85蚊，而跟餐系83+6(差价)=89蚊。发现原来跟餐系贵过散叫既一刻，第一个叫set既朋友灰左。因为d野食太颓，我只系叫左杯焦糖朱古力，甜到呛喉，最后我要左d热水，冲多左2杯饮，味道先balance d~仲有一个fd都好惨，其实得3款飞碟，吞拿鱼/火腿同芝士 , 但d款都唔齐，冇吞拿鱼，无奈叫左个唔想食
食物:
dinner set 83蚊起ge颓饭。
主要系 忌廉汁/茄汁/沙律汁 + 火腿/磨菇/烟鸭胸+意粉类/饭/菜既组合
80几90蚊食呢d野都算，跟餐有杯34蚊既野饮，但全个餐牌得2款系38蚊~系果汁味精+红茶/绿茶，颓爆，连饮朱古力都要补6蚊差价。
如是者第一个朋友身先士卒，叫左个烧牛肉沙律，牛肉得几块，佢主要都系食草，冇错，呢个就系83蚊个餐啦！
跟住其余有几个叫左饭/意粉，份量真系好少，肉酱意粉好少肉酱，带子饭好少带子，连火腿长通粉都好少火腿，其实呢d野咁平，收人地80几90乎几蚊，悭黎做咩呢??
结果唔饱，有人就叫多左个净烧牛肉沙律，即系同set一模一样既菜式，45蚊，黎到份量多过一个餐，跟住大家突破盲点咁计，如果散叫加多一杯40蚊既野饮，只系85蚊，而跟餐系83+6(差价)=89蚊。发现原来跟餐系贵过散叫既一刻，第一个叫set既朋友灰左。
因为d野食太颓，我只系叫左杯焦糖朱古力，甜到呛喉，最后我要左d热水，冲多左2杯饮，味道先balance d~
仲有一个fd都好惨，其实得3款飞碟，吞拿鱼/火腿同芝士 , 但d款都唔齐，冇吞拿鱼，无奈叫左个唔想食既火腿，黎到系有2个三角形咁大既size。
最低消费:每人一杯野饮[$34起]
环境:
不过去开cafe都对食物冇咩期望，最紧要坐得舒服同多野玩，但系呢2点都好失望!!!
间cafe有2边，我地被安排左去细𠮶边，同场有4枱，坐系我后面个枱系一班年轻人食野玩层层叠，讲同笑得好大声!我地黎只系想倾偈，嘈到大家都要好大声先听到对方讲野，最后，有人忍唔住叫隔离细声d，但已经系嘈到走左都仲系好头痛。 表面好似系隔离枱问题唔关cafe事，但有实际上cafe有2个问题:
1)冇人控制场面，亦唔够staff stand by，我想叫个staff帮手温馨提示下隔黎枱都冇人。 2) 间cafe ge 隔音同吸音做得好差，四面墙，声音回弹+焗系个咁细既地方，只要有一枱讲野大声d，全场嘈爆，另外枱同枱之间紧贴，即系我背后就坐左个隔离枱既人，全部声受哂，多个屏风/有靠背既sofa隔音都好好多。
桌游种类少:
-款旧(得象棋/飞行棋/只言片语等旧game)
- d野唔齐 (冇说明书/冇骰子/玩只言片语有repeat 卡，冇兔子，数字牌唔齐)
好心揾食工具就保养下啦，一副都唔系好贵。
小插曲:
唔知误会定咩，负责book 枱个fd话个staff本身话可以叫dinner set+另外如果有3个人以上就可以叫party set 。 但系有人叫左dinner set 后，再有6个迟到既fd想夹份叫party set已经唔比咁叫啦，所以冇得叫party set la。
总结:其实我唔知呢间野有咩卖点，食物份量不足，主要材料份量少，饮品普通，收费不合理(set贵过散叫)，环境嘈吵同冇咩野玩，性价比奇低，我同我d朋友都唔会再黎，希望大家唔好中伏啊！
张贴