Mee...lemongrass (將軍澳中心) (已結業)

本身好钟意食东南亚野，通常食开都系出去九龙城或者港岛个啲地方，但系估唔到系将军澳都有一间咁既餐厅，仲要好多人排队，咁我跟大队试下。地道串烧（牛，鸡）：间铺头既装修好似普通连锁餐厅咁，但系第一道𩠌送上黎，估唔到个样可以咁地道。个串烧串得好香口，肉质都几嫩，真系有惊喜。软壳蟹米纸卷：呢个我自己好钟意，啲菜同啲三色椒放得岩岩好，仲可以balance返软壳蟹既油炸感，成件事食落好清新，同埋第一次食纸米卷系软壳蟹既，我自己觉得比传统既更好食haha。马拉𦶻炒秋葵：其实呢间餐厅既菜式都几新下，又系未见过既马拉𦶻秋葵，个味道都几浓下，系几好食既。炒金边粉：佢个隔离放左好多辣椒系度，我本身都好食得辣既（我自认为），所以谂都唔谂就捞晒落去，好辣。但个粉系好食既，不过真系要小心落。手作班兰椰丝卷：呢个又系未试过，佢入面有啲椰丝系度，整体感觉都几得意。