顏府御膳 (已結業)

今日约咗旧老板聚一聚，佢系一个贵妇，去嘅餐厅通常都有返咁上下，加上佢又住港岛区，所以我就提议去颜府御膳。入面嘅环境甚有气派，而且比较宁静，好适合三五知己嚟倾吓偈谈吓心。枱上仲放咗佢哋嘅house wine🍷，不过老板唔饮酒，所以我哋就冇开酒。 首先店员会奉上前菜，系我最钟意嘅琥珀合桃，间中夹一口作为餐前小食就最适合不过。另外仲有佢哋嘅自家制XO酱，少少辣而又充满瑶柱嘅咸香，非常惹味。我哋首先拣咗冷盘作为头盘，青瓜海蜇头无论系青瓜定海蜇头都同样爽脆，用咗麻油同醋作调味，上面洒上芝麻就更有风味。老板果然系一个贵妇，仲好滋阴又识养生，所以就叫咗两客中汤。今日嘅汤系青红萝卜煲猪展，味道调低啱啱好，饮得出系淆制好耐嘅老火汤味道。呢个盐烧茄子可以话系呢度其中一款招牌菜，每条茄子切成长条形，大小适中而一致，盐烧嘅制法令茄子外脆内软，系我食过最好食嘅茄子制法。店员推介我哋试荷香虫草花云耳蒸鸡，原来份量一啲都唔少，其实可以足够四人品尝。鸡肉放喺荷叶上蒸完全吸收到荷叶嘅香味，另外仲有虫草花、云耳、冬菇作配菜，令口感变得更丰富。鸡肉全部已去骨，真系啖啖肉又够滑。最后仲叫咗肉丝煎两面黄，我最欣赏佢嘅面条非常幼