Hunky Dory

营业中

休息中

星期日无地方去，就同屋企人贡左去科学园。贡完一阵就揾野食，见到Hunky Dory 都几多人讲好就去睇睇有无位，好好彩又有。 依间餐厅比我既第一个印象系环境舒适，员工细心。点解咁讲，系因为餐厅出面有一块好正既草地，仲有D 户外桌椅可以坐。本身果日去都想坐户外，员工即时提我今日有D 大风同好大机会会落雨，建议我坐返入面会好D。点知半个钟后真系落雨，真系好多谢员工既细心建议。 野食方面，睇个餐单价钱都合理，野食偏英同都几多元化。但系上到枱我会直头话佢抵。好大份。我叫左三样野食，爱尔兰健力士牛肉批、精选烤拼盘同埋美味拼盘。 牛肉批个酥皮好正，放耐左少少都好脆，个牛肉都好冧。不过我真心欣赏系佢D 菇，佢应该唔系用罐头，系用新鲜菇。味道正唔正宗答你唔到，不过好食。 美味拼盘每样大约五件，我最欣赏系个炸豆腐，脆口得来又带点清淡，再配返杯伦敦啤，正! 最后系精选烤拼盘，依个真心好抵，两百几蚊三份肉，块牛扒大过手掌连手指，仲要唔差！另外猪肋骨同鸡肉都大。鸡肉平时大件会好鞋，但系今次依件几好，唔太鞋。 整体而言我觉得依间餐厅好好，如果唔系地点问题，我谂我会经常去。