百味鮮

营业中

休息中

Sat 16th Mar只系开张咗几个月，光猛干净企理，招呼殷勤到位。由门面、餐牌、装修、餐具…. 都睇得出系有心经营。早嚟早享受，坐喺窗边位，睇住出边繁忙嘅街道车来攘往行人匆匆，自己就与一班好友喺度gathering。that’s life。汤底好足料有满满椰肉，椰子味特别香浓，汤底滚起后店员放鸡件入锅。汤头鲜甜美味，鸡件肉质鲜嫩好滑，啖啖肉。海鲜拼盘。有鲜海虾，上枱嘅时候啲虾仲会郁，鲜甜爽口。扇贝 超大只同样系新鲜美味。鲍鱼 洗得干干净净、蚬 只只都肥嘟嘟 一粒沙都冇。全部海鲜都极新鲜。特级雪花肥牛雪花纹好靓，店员即时手切好新鲜👍🏻大大块，滚几秒就食得😋肉味香浓软滑属于高质量嘅牛。蔬菜 嫩绿醒神最后一个腊味煲仔饭，配料肥瘦适中，油香十足，豉油捞个饭，未食已经闻到香🤩。食得出腊味用料上乘，饭捞埋煲底层油好有米香，火喉控制得啱啱好唔会太干太㶶。