小時光 (已結業)

小时光嘅装修摆设都非常有心机，营造出台湾高中教室嘅味道，连枱同凳都系真嘅课室用品，侧边仲有好多旧漫画同旧式摆设，同朋友黎打卡真系一流啊。佢主要系台式嘢食同嘢饮，选择都几多，食物价钱都几合理，但系平日晚市唔包嘢饮，而佢嘅嘢饮基本上都要二三十蚊，加埋都差唔多100蚊一个餐，个人认为嘢饮嘅价格可以再调整下。我同朋友都嗌咗夜市香酥鸡，一个配汤面，一个配饭。盐酥鸡嘅份量都几多，闻落好香，不过夹起黎食嘅时候就发现冇乜鸡肉，可能因为炸粉太厚啦，食到一半觉得太热气就冇食哂啦。面同饭都正正常常，冇乜特别。嘢饮方面我嗌咗杯抹茶拿铁，卖相都唔错，味道就麻麻，唔系好够热。黎小时光打卡饮嘢都ok嘅，不过就建议大家唔好对佢嘅食物质素有太高嘅期望啦。