Friendmily (已結業)

因为见到食评话呢家餐厅的野食有特色，所以电话Book左试呢间餐厅既Lunch。上到去环境几舒服的，因为人流唔多，餐厅好好咁比左张6人桌我地3个，店入面仲播紧电影，可以一路食饭一路睇戏，正！餐食方面，我地叫左1个香煎猪柳($69)、1个香煎鲈鱼柳($78)同1个即煎羊架($109)首先个猪柳系OK的，唔干身，正常，但个鲈鱼柳就好干身，唔滑，同埋佢个香草Sauce都冇味，而且份量较少。最后就到个羊架，叫左5成熟黎到都系5成左右，冇overcook，有羊味，但块羊架十分薄身，同平时cafe食既西冷一样薄；跟餐个薯蓉系几好味既，清淡得黎唔会好咸。呢间餐厅仲有样主打Galeto雪榚，我地本来想试但待应话冇，有的失望。总括黎讲，呢度如果食环境系OK既，但食物方面真系未如理想，因为咁既价钱比多10-20蚊已经会有更多更好既选择。