Nardo's Cafe (已結業)

讲起楼上cafe，我都唔知中左几多次伏，如果唔系陪朋友，都唔会再比机会楼上cafe...🙄首先，cafe最重要一定系舒适嘅环境，望一望呢到，装修残旧，以红白为配色，但梳化大部分嘅颜色已经甩左。灯光昏暗，唔系有mood𠮶种，系坏灯𠮶种....好赶客.....🙄叫左两个dinner set：C. 西班牙芝士焗饭（$112）D. 芝士忌廉鸡肉阔条面（$115）两碟份量都非常多，一碟都够两个人食，可惜唔系几好食，阔条面可能太健康了，无味的.....芝士薯条我觉得呢个都OK，芝士酱都够浓，薯条就有啲林，可以脆啲！墨西哥鸡翼反而佢小食做得好过main，呢个鸡翼少少辣，都几惹味。OREO特饮几好饮，值得赞嘅！呢杯巨峰提子苏打就麻麻地，好似无咩味，饮紧苏打水咁....-每人最后都食左百几蚊，既然都比得呢个价钱，我宁愿比多少少去间正正常常嘅西餐。