Outback Steakhouse (德福廣場2期) (已結業)

呢日好想食西餐，所以就嚟out back嚟食吓佢个扒！因为记得佢除咗牛之外，仲有羊仲有猪意粉 海鲜都有午市套餐抵好多！但系由于太肚饿嘅关系拣吓拣吓见到人哋拣有只长脚蟹𠮶个正价set， $408 ，比侍应推销之下食咗𠮶个法国有啲后悔，贵得来个扒唔系我特别想食𠮶种，我会宁愿拣$278嘅lunch set ！同埋朋友拣𠮶个$248嘅法式羊扒好味好多！因为个长脚蟹完全系没有味道，仲惨过食瘦肉极度后悔嘅选择！卖相一流，但系只脚真系肚饿都唔想食，差过buffet好多质素，通常buffet都唔会特别好，除非佢主打，但系佢真系非常之差，完全没有鲜味亦都没有质感羊架反而比想像中大份好好味好彩朋友分咗一嚿肉俾我！底下仲有炒饭底唔会太油香香地，侧边啲配菜都好出色！甜豆同埋甜椒都非常好嘅质素服务就专业嘅，唔算太友善，合格！ ！环境就非常之钟意啦，舒服嘅卡位大枱最后黑糖包真系几好味！原来佢仲出咗俾人买走嘅版本🤣