居酒屋·姫 (已結業)

上次去完诺士佛台，经过天文台围，见到呢间居酒屋‧姫装修得几靓，就同friend 约定下次食饭黎try try. 结果环境好正，嘢食高质，酒款又多，值得嚟食！💋严选季节特上六款刺身盛合・脑天・池鱼・海胆・平政・赤身脑天‧脑天其实系吞拿鱼头顶的位置，油脂非常丰富。今次店家用轻轻烧炙过既脑天包住小豆苗，食落散发阵阵油香，同清新嘅小豆苗互相平衡。池鱼‧今次店家分别准备左池鱼片和小碗拌池鱼。池鱼片鱼味浓，同好新鲜。面头加上自制嘅梅子酱和紫苏叶，好日本嘅味道。拌池鱼则甚有惊喜，佢系用姜、葱碎做拌料，清爽得黎又可以吊起佢本身既鲜味。海胆‧海胆十分绵滑，甜味重，鲜味突出，配合青瓜丝同紫菜卷黎食，实在非常满足。赤身非常厚切，鱼味浓。平政‧店家上台前将佢轻轻烧过，上面配上炸葱，点少少酱油同wasabi已经非常香口同好食。💋味噌煮猪肠大根嗦晒D汤汁味，猪肠则处理得好好，当中大概一半连住肥膏，一半就净系肠身，完全符合唔同人既喜好。💋厚切牛舌 & 鸡肝牛舌肉烧得香口有弹性。鸡肝则食得出系新鲜既，烧到刚刚好。💋自家制月见免治鸡选用左梦王蛋做底，蛋黄超大同红润。将鸡肉捧配合蛋汁同酱料黎食，口感好好，且富有鲜味，值得