Little Mario's Pizzeria (珀麗灣)

营业中

休息中

今晚叫左一个14寸嘅松露pizza同埋一个肉酱意粉去朋友屋企开party👯‍♀️首先讲吓个pizza，佢嘅松露味非常出色。14寸嘅大细啱啱好，可以满足两个人嘅胃口。松露味浓郁，香气扑鼻～火箭菜同芝士亦都系好好嘅配搭🤎批边外表香脆，内里软熟。再嚟就系个肉酱意粉，酸酸甜甜，唔会过咸，份量适中。佢同一般快餐店嘅肉酱意粉好唔同，佢地嘅蕃茄酱非常之清新，意粉十分之湿润。个人认为，呢个肉酱意粉绝对系Little Mario嘅一大亮点，必叫之选。虽然今次系外卖自取，但去拎餐嘅时候留意到餐厅出边对正沙滩，夜晚可以欣赏青马大桥嘅景色😎餐厅入边装修好playful，整体气氛非常舒适同埋悠闲。下次如果有时间，会去试下堂食。总括嚟讲，Little Mario绝对值得一试。无论系松露pizza定系肉酱意粉，都有惊喜。