泰屋 (東成里) (已結業)

话说小妹最喜欢泰国嘢，贪佢够酸又够辣，开胃又醒神！不过好可惜近排泰国当地唔太稳定，好多爆炸同政局因素搞到我都唔太敢去泰国旅行，唯有留番喺香港食泰菜解解瘾啦。好多人讲泰菜都会谂起九龙城先，但其实元朗都唔睇少得，要景靓又要食物好我就推介元朗泰屋啦！泰屋好似有其他分店，但以我所知元朗个间系比较有泰国feel，所以今次试下佢！炒通菜都唔错，够镬气又唔会炒得老，有时出去食通菜放耐咗就会变深色，泰屋都做得几好！薄饼唔一定配咖哩，只要够酥够脆咩都唔点先系最好食！食泰国嘢饮冬阴功是常识吧！话说喺当地饮过冬阴功嘅，都知香港人唔一定饮到，反而喺香港饮嘅就易接受啲，因为配合香港人嘅口味会甜番啲，少辣啲。总括嚟讲今日系满足嘅一日！