Greyhound Café (時代廣場)

营业中

休息中

原只龙虾冬荫火锅($328)，大大只龙虾，色泽鲜艳，肉质爽口弹牙，冬荫功汤汁渗晒入只龙虾到，好惹味，汤底酸酸辣辣，个人觉得酸味较浓郁一d。香辣金不换和牛饭($158)，和牛粒粒都充满油份，而且唔韧，金不换叶经过炸去处理，食落几香口。泰式香烧原只鱿鱼筒($138)，这只鱿鱼筒不可不食，卖相烧得好靓唔会过㶶，而且搽上左酱汁，入味之余食落仲唔会咁干身，店铺仲提供一小碟辣酱汁，辣度的确几强，我只能头段挑战一阵，后黎就冇再点酱，但确系几刺激。炸鱼配青芒果沙律($158)，这个菜式卖相几特别，起初以为系乳猪仔，夹起见到底部有鱼皮形状先确定冇上错菜，言归正传，鱼炸得香脆，口感唔错，但内里都会有少少细鱼骨，所以要小心食用。芒果千层蛋糕($78)，食饱饱当然要食返个甜品满足一下，芒果新鲜清甜，蛋糕内馅好彭湃好满，这蛋糕做法会比较浆一d黏口一d，第一次食这个质感，系另一种层次口感，我觉得唔错。coconut shake($58)，奶昔口感，好软滑解渴，椰子味浓郁，再配有椰肉，饮野之余可以有少少咬口。